HISTORIA EVANGELICA

CAPUT CLXXI: De divisione vestium, et tunica sortita

Tunc fecerunt de vestibus ejus, excepta tunica, quatuor partes, quia quatuor erant milites, qui crucifixerunt eum. Tunica autem erat inconsutilis reticulato opere facta, et ideo scindi non poterat, desuper contexta per totum, habens, scilicet pannum aliquem ex transverso super humero positum, ad modum corrigiae in pelliciis, et sortitisunt de ea cujus esset.